Партызанскі рух і антыфашысцкая падпольная барацьба ў Беларусі. Удзел савецкіх грамадзян у еўрапейскім руху Супраціўлення. 1941–1945 гг.

Экспазіцыя залы складаецца з некалькіх тэматычных блокаў, якія расказваюць аб развіцці і станаўленні партызанскага і падпольнага руху, барацьбе з нямецка-фашысцкімі захопнікамі на акупаванай тэрыторыі Беларусі ў перыяд з чэрвеня 1941 па ліпень 1944 гг.

На акупіраванай тэрыторыі Беларусі разгарнуўся партызанскі рух, у якім удзельнічала 374 000 чалавек. Галоўны вынік баявой дзейнасці партызан - вызваленне рэспублікі ад акупантаў. Каля 70 000 патрыётаў, аб'яднаных у падпольныя групы і арганізацыі, ажыццяўлялі дыверсіі на прадпрыемствах, ратавалі савецкіх ваеннапалонных і вязняў з няволі, вялі разведку для партызанскага камандавання і Чырвонай Арміі.

У руху Супраціўлення ў Еўропе актыўны ўдзел прымала 40000 савецкіх грамадзян.